புதுச்சேரி JCM மக்கள் மன்றம்: காமராஜர் நகர் தொகுதி தலைவராக விஜயராஜ் பதவியேற்பு – கேக் வெட்டி உற்சாக கொண்டாட்டம்!
​புதுச்சேரி:
புதுச்சேரி JCM மக்கள் மன்றத்தின் காமராஜர் நகர் தொகுதி தலைவராக விஜயராஜ் அவர்கள் பதவியேற்றுக் கொண்டார். இதனை முன்னிட்டு அவருக்கு வாழ்த்து தெரிவிக்கும் வகையில் சிறப்பு கொண்டாட்ட நிகழ்ச்சி நடைபெற்றது.
​இந்த நிகழ்ச்சிக்கான ஏற்பாடுகளை காமராஜர் நகர் தொகுதி 24-வது பூத் தலைவர் வைகுண்டம் தலைமையேற்று நடத்தினார். புதிய தலைவராகப் பொறுப்பேற்ற விஜயராஜ் அவர்களுக்கு சால்வை அணிவித்து மரியாதை செய்யப்பட்டது. தொடர்ந்து, அனைவரும் ஒன்றிணைந்து கேக் வெட்டித் தங்கள் மகிழ்ச்சியைப் பரிமாறிக் கொண்டனர்.
​இந்நிகழ்வில் காமராஜர் நகர் தொகுதி இளைஞர்களான மணிகண்டன், தியாகராஜன், ஹரி, பாலாஜி, ரவி, பரணி, கார்த்தி, லிங்கேஷ் மற்றும் ஏராளமான இளைஞர்கள் கலந்துகொண்டு விழாவைச் சிறப்பித்தனர்.