மேலும் 12 வருவாய் துறை ஊழியர்கள் கடந்த இரண்டு மாதங்களில் G-Pay மூலம் பெற்ற சுமார் 10 லட்சம் ரூபாய் குறித்தும் தீவிர விசாரணை.

விழுப்புரம் மாவட்டம் மேல்மலையனூர் வருவாய் வட்டாட்சியர் அலுவலகத்தில் விழுப்புரம் லஞ்ச ஒழிப்பு துறை ஆய்வாளர் ஈஸ்வரி தலைமையிலான 7 பேர் கொண்ட லஞ்ச ஒழிப்புத்துறை போலீசார் இன்று மாலை 5 மணி அளவில் திடீர் சோதனையில் ஈடுபட்டனர். அப்போது வட்டாட்சியர் அலுவலகத்தில் இருந்த 15-க்கும் மேற்பட்ட வருவாய்த்துறை ஊழியர்கள் மற்றும் பொதுமக்களிடம் 6 மணி நேரத்துக்கு மேலாக நடைபெற்ற தீவிர சோதனையில் கணக்கில் வராத 57 ஆயிரத்து 950 ரூபாய் பணம் கைப்பற்றப்பட்டது.

மேலும் அவர்களின் செல்போன்களை ஆய்வு செய்ததில் 12 வருவாய் துறை ஊழியர்கள் கடந்த இரண்டு மாதங்களில் G-pay மூலம் பெற்ற சுமார் 10 லட்சம் ரூபாய் குறித்து அவர்களிடம் தீவிர விசாரணை மேற்கொண்டு எழுத்துப்பூர்வமான விளக்கம் கேட்டு பெற்று சென்றனர்.மாலை 5 மணி முதல் இரவு 11.30 மணி வரை லஞ்ச ஒழிப்புத்துறை போலீசார் மேற்கொண்ட சோதனையின் காரணமாக மேல்மலையனூர் பகுதியில் பரபரப்பு நிலவியது.