​கிருஷ்ணகிரி |
ஏப்ரல் 10, 2026:
தேர்தல் விழிப்புணர்வை வலியுறுத்தி, ஜெசிஜ கிருஷ்ணகிரி, உமாராணி மல்டி ஸ்பெஷாலிட்டி மருத்துவமனை மற்றும் அரசு மகளிர் கலை கல்லூரி ஆகியவை இணைந்து இன்று ஒரு பிரம்மாண்ட கின்னஸ் உலக சாதனை முயற்சியை மேற்கொண்டன.

​சாதனை விபரம்:
இந்த நிகழ்வில் 2000-க்கும் மேற்பட்ட கல்லூரி மாணவிகள் மற்றும் பொதுமக்கள் கலந்துகொண்டு, சரியாக 6 வினாடிகளில் “என் வாக்கு, என் உரிமை” என்ற வாசகத்தை ஒரே நேரத்தில் எழுதி உலக சாதனை படைத்தனர். 100% வாக்குப்பதிவை வலியுறுத்தி இந்த விழிப்புணர்வு வாசகம் தேர்ந்தெடுக்கப்பட்டது.
​முன்னிலை வகித்தவர்கள்:
மாவட்ட ஆட்சியர் மற்றும் மாவட்ட தலைமைத் தேர்தல் அதிகாரி உயர்திரு. ச. தினேஷ் குமார், அவர்கள் தலைமை விருந்தினராகக் கலந்துகொண்டு சாதனை முயற்சியைத் தொடங்கி வைத்தார். டி ஆர் டி ஏ இணை இயக்குநர் உயர்திருமதி. K. கவிதா கௌரவ விருந்தினராகப் பங்கேற்றார்.

​தலைமை:
இந்தச் சாதனை விழாவிற்கு ஜேசிஐ கிருஷ்ணகிரி தலைவர் ஜெ எப் பி கோகுல் சின்னசாமி, கல்லூரி முதல்வர் முனைவர் S. கீதா, மற்றும் உமாராணி மருத்துவமனை நிர்வாக இயக்குநர் டாக்டர் பி கெ சிவகுமார் ஆகியோர் தலைமை வகித்தனர்.

​நிகழ்ச்சி ஒருங்கிணைப்பாளர்கள் ஜெ சி எஸ் முயீஸ் பாஷா மற்றும் கந்தன் நிகழ்ச்சி ஒருங்கிணைப்பாளர் ஆகியோரின் சிறப்பான ஏற்பாட்டில், தேர்தல் விழிப்புணர்வு குறித்த இந்த வரலாற்று நிகழ்வு கிருஷ்ணகிரி மண்ணில் பெரும் முத்திரையைப் பதித்துள்ளது.

மாவட்ட செய்தியாளர் கவியரசு
9900557307