கிருஷ்ணகிரி: கிருஷ்ணகிரி மாவட்ட கலெக்டர் அலுவலகத்தில், வாராந்திர மக்கள் குறைதீர் நாள் கூட்டம் நடந்தது. கலெக்டர் தினேஷ்குமார் தலைமை வகித்து, பல்வேறு கோரிக்கைகளுடன் பொதுமக்கள் வழங்கிய, 556 மனுக்களை பெற்று கொண்டார். தொடர்ந்து, மாற்றுத்திறனாளிகள் நலத்துறை சார்பில், முதல்வர் மருத்துவக்காப்பீட்டு திட்டத்தில், 9 மாற்றுத்திறனாளிகளுக்கு, 5.57 லட்சம் ரூபாய் மதிப்பிலான செயற்கை கால்களை வழங்கினார். டி.ஆர்.ஓ., சாதனைக்குறள், மாவட்ட கலெக்டரின் நேர்முக உதவியாளர் (பொது) கிருஷ்ணன், மாவட்ட மாற்றுத்திறனாளிகள் நல அலுவலர் முருகேசன், மற்றும் அனைத்து துறை சார்ந்த முதன்மை அலுவலர்கள் கலந்து கொண்டனர்.