கோவை ஆக:24

கோவை உக்கடம் வின்சென்ட் ஹவுசிங் யூனிட்டில்,ஹெச்.டி.எஃப்.சி.பரிவர்த்தன் ஆன் வீல்ஸ்–ராம்கி ஃபவுண்டேஷன் மொபைல் மெடிக்கல் யூனிட் சார்பில் சிறப்பு பல் மருத்துவ முகாம் நடைபெற்றது.

பொதுமக்களுக்கு பல் மற்றும் வாய் சுகாதாரம் குறித்த விழிப்புணர்வை ஏற்படுத்துவதுடன்,அவர்களின் இருப்பிடத்திற்கு அருகிலேயே சிறப்பு பல் மருத்துவ சேவைகளை வழங்கும் நோக்கில் இந்த முகாம் ஏற்பாடு செய்யப்பட்டது.

முகாமில் பங்கேற்ற பொதுமக்களுக்கு பல் பரிசோதனை மற்றும் மருத்துவ ஆலோசனைகள் வழங்கப்பட்டன.பல் மற்றும் ஈறு தொடர்பான பிரச்சினைகளை ஆரம்ப நிலையிலேயே கண்டறிந்து உரிய சிகிச்சை பெறுவது குறித்து மருத்துவக் குழுவினர் விளக்கினர்.

மேலும்,ஹெச்.டி.எஃப்.சி.பரிவர்த்தன் ஆன் வீல்ஸ்–ராம்கி ஃபவுண்டேஷன் மொபைல் மெடிக்கல் யூனிட் மூலம் சமூக மக்களுக்கு தொடர்ந்து வழக்கமான மருத்துவ சேவைகள் வழங்கப்பட்டு வருகின்றன.பொது மருத்துவ ஆலோசனை,உடல்நலப் பரிசோதனை,அடிப்படை பரிசோதனைகள்,சுகாதார விழிப்புணர்வு நிகழ்ச்சிகள் மற்றும் தேவையான சந்தர்ப்பங்களில் உயர் மருத்துவ சிகிச்சைக்கான பரிந்துரைகள் உள்ளிட்ட சேவைகள் மொபைல் மருத்துவப் பிரிவு மூலம் வழங்கப்படுகின்றன.

சமூகத்தின் அருகிலேயே தொடர்ந்து மருத்துவ சேவைகளை வழங்குவதன் மூலம்,நோய்களை ஆரம்ப நிலையிலேயே கண்டறிந்து தடுப்பதற்கும்,பொதுமக்களிடையே சுகாதார விழிப்புணர்வை ஏற்படுத்துவதற்கும் மொபைல் மருத்துவப் பிரிவு முக்கிய பங்காற்றி வருகிறது.முகாமில் பொதுமக்கள் ஏராளமானோர் கலந்து கொண்டனர்.