புதுச்சேரி, ஜூலை 6:

புதுச்சேரி கம்பன் கலையரங்கத்தில், ‘நடன பாரதி நாட்டியாலயா’ சார்பில் மாணவியர்களுக்கான சலங்கை பூஜை விழா நேற்று (05.07.2026) நடைபெற்றது.

இவ்விழாவிற்குச் சிறப்பு விருந்தினராகக் கதிர்காமம் தொகுதி சட்டமன்ற உறுப்பினர் S.S. அழகு @ அழகானந்தம் அவர்கள் கலந்துகொண்டார். அவர் குத்துவிளக்கேற்றி விழாவைத் தொடங்கி வைத்தார்.

விழாவின் முக்கிய நிகழ்வாக, நடனம் பயிலும் மாணவியர்களுக்குத் S.S. அழகு @ அழகானந்தம் அவர்கள் சலங்கைகளை வழங்கினார். இதனைத் தொடர்ந்து, மாணவிகள் மேடையில் நிகழ்த்திய நடனங்கள் பார்வையாளர்களை வெகுவாகக் கவர்ந்தன. மாணவியர்களின் கலைத்திறனைப் பாராட்டிய S.S. அழகு @ அழகானந்தம் அவர்கள், அவர்கள் கலைத்துறையில் மென்மேலும் சிறந்து விளங்க வேண்டும் என வாழ்த்துகளைத் தெரிவித்தார்.

இந்நிகழ்ச்சியில் மாணவியர்களின் பெற்றோர்கள், கலை ஆர்வலர்கள் மற்றும் பொதுமக்கள் கலந்துகொண்டு சிறப்பித்தனர்.