லிட்டருக்கு விலை உயருமா..?பாலை ரோட்டில் ஊற்றி போராட்டம்.
சேலம் மாவட்டம் சங்ககிரியில் பால் உற்பத்தியாளர்கள் நடத்திய அதிரடியான நூதனப் போராட்டம் ஒட்டுமொத்த தமிழகத்தின் கவனத்தையும் ஈர்த்துள்ளது.
கால்நடை தீவனங்களின் விலை முன்னெப்போதும் இல்லாத வகையில் 40% வரை உயர்ந்துள்ள நிலையில், வாழ்வாதாரத்தை இழந்து தவிக்கும் நூற்றுக்கணக்கான விவசாயிகள் தங்கள் கறவை மாடுகளுடன் சாலை மறியலில் குதித்தனர். ஆத்திரமடைந்த விவசாயிகள், தாங்கள் கஷ்டப்பட்டு கறந்த பாலை சாலையில் ஊற்றி அரசுக்கு எதிராகக் கோஷமிட்டது அந்தப் பகுதியில் பெரும் பரபரப்பை ஏற்படுத்தியது.
”ஒரு பக்கம் தீவன விலை உயர்வு, மறுபக்கம் போதிய கொள்முதல் விலை இல்லை; கடனை அடைக்கவே கையில் காசு இருப்பதில்லை” எனப் போராட்டத்தில் ஈடுபட்ட விவசாயிகள் கண்ணீர் மல்கத் தெரிவித்தனர். ஆவின் மற்றும் தனியார் நிறுவனங்கள் உடனடியாகக் கொள்முதல் விலையை உயர்த்த வேண்டும், இல்லையெனில் பால் விநியோகத்தை முற்றிலுமாக நிறுத்தப் போவதாக விவசாயிகள் எச்சரிக்கை விடுத்துள்ளனர். இந்தத் திடீர் போராட்டத்தால் சங்ககிரி நெடுஞ்சாலையில் போக்குவரத்து கடுமையாகப் பாதிக்கப்பட்டது.
More Stories
செஞ்சியில் இருந்து பள்ளிக்குளம், சொரத்தூர் பெரும்புகை, ஆனத்தூருக்கு புதிய பேருந்து சேவையை முன்னாள் அமைச்சர் செஞ்சி மஸ்தான் எம்எல்ஏ தொடங்கி வைத்தார்.
தண்ணீர் இல்லாமல் பொதுமக்கள் அவதி
கோவை மாவட்ட பாவேந்தர் பாரதிதாசன் இலக்கியப் பேரவையின் ஆண்டு விழா!!!